pam maethu gyda ni?

cefnogaeth a manteision

cyllid a lwfansau

Fel gofalwr maeth gyda thîm Maethu Cymru Blaenau Gwent, byddwch yn cael lwfansau ariannol cystadleuol. Mae’r rhain yn seiliedig ar nifer o ffactorau gan gynnwys faint o blant rydych chi’n eu maethu, y math o ofal maeth rydych chi’n ei roi ac am ba hyd.

Er enghraifft, os byddwch yn maethu dau berson ifanc 13 ac 16 oed gyda Blaenau Gwent, byddwch yn cael o leiaf £543 yr wythnos.

manteision eraill

Ar wahân i’r manteision ariannol, mae llawer o fân fanteision eraill i fod yn ofalwr maeth – mwy nag y byddech chi’n ei feddwl efallai. Fel gofalwr maeth ym Mlaenau Gwent, bydd gennych hawl i’r canlynol:

  • Llawer iawn o gefnogaeth benodol i chi, a gweithiwr cymdeithasol unigol ar gyfer pob plentyn.
  • Mynediad uniongyrchol i gymorth seicolegol arbenigol.
  • Cefnogaeth arbennig i blant sy’n profi unrhyw anawsterau mewn addysg.
  • Mentora gan ofalwyr maeth eraill, a grŵp cymdeithas gofalwyr maeth lleol.
  • Amrywiaeth o adnoddau dysgu gan gynnwys e-ddysgu, podlediadau, deunyddiau darllen a gweithdai.

ymrwymiad cenedlaethol maethu cymru

Yn ogystal â’r manteision a’r gostyngiadau gwych hyn, byddwch hefyd yn elwa o’n hymrwymiad cenedlaethol. Mae hwn yn gytundeb y mae pob un o dimau Maethu Cymru wedi ymrwymo iddo, sy’n cynnwys manteision, hyfforddiant a chefnogaeth barhaus i bob gofalwr maeth ym Mlaenau Gwent.

Felly, fel pob gofalwr maeth arall gyda Maethu Cymru, byddwch yn elwa o’r canlynol:

Happy senior man smiling with young boy on shoulders

un tîm

Bydd eich tîm Maethu Cymru ym Mlaenau Gwent yn gweithio gyda chi a phob plentyn yn eich gofal ac unrhyw weithiwr proffesiynol arall sy’n gysylltiedig, fel rhan o un gwasanaeth cysylltiedig. Mae hyn oherwydd ein bod ni i gyd yn rhan o’r Awdurdod Lleol a’n pwrpas ni yw gwneud y gorau dros blant lleol. Rydyn ni’n un tîm mawr, cysylltiedig.

Byddwch chi’n dod yn rhan hanfodol o’r tîm hwn, sy’n golygu y byddwch chi bob amser yn cael eich cynnwys, eich gwerthfawrogi a’ch parchu. Rydyn ni bob amser yn gweithio gyda’n gilydd ac yn canolbwyntio ar y cysylltiadau a fydd yn sicrhau’r canlyniadau gorau posibl i’r plant rydyn ni’n gofalu amdanyn nhw, a chi – eu teulu maeth.

Woman helping young girl with homework

dysgu a datblygu

Mae dysgu a thyfu yn rhan hanfodol o’r hyn rydyn ni’n ei gynnig a byddwn yn parhau i’ch helpu chi a’ch plentyn maeth i ddatblygu.

Bydd ein tîm yn Maethu Cymru Blaenau Gwent, yn rhoi cofnod dysgu personol a chynllun datblygu unigol i chi, i’ch helpu i gadw golwg ar eich taith a dysgu sgiliau gwerthfawr y gellir eu trosglwyddo. Byddwch hefyd yn cael gwybodaeth ragorol ar gyfer eich datblygiad personol eich hun.

Two young boys in playground playing together on seesaw

cefnogaeth

Ar ôl i chi gael eich paru â phlentyn neu oedolyn ifanc, bydd ein tîm clòs wrth law i’ch cefnogi a’ch annog chi’ch dau. Fyddwch chi byth ar eich pen eich hun oherwydd byddwn yn eich rhoi mewn cysylltiad â gweithiwr cymdeithasol profiadol a fydd yn eich cefnogi a’ch cynghori.

Bydd gennych chi hefyd fynediad at amrywiaeth o grwpiau cefnogi lleol, lle byddwch chi’n cwrdd â gofalwyr maeth eraill a gweithwyr gofal proffesiynol. Mae hwn yn gyfle gwych i rannu profiadau, siarad a gwrando ar ein gilydd

Rydyn ni hefyd yn cynnig cymorth proffesiynol pryd bynnag y bydd ei angen arnoch, hyd yn oed y tu allan i oriau swyddfa arferol. Rydyn ni wedi ymrwymo i weithio fel tîm bob amser, sy’n golygu y byddwn ni wrth law pryd bynnag y bydd ein hangen arnoch chi.

O grwpiau cefnogi arbenigol i ofalwyr maeth arbenigol, i gyfarfodydd sy’n benodol i ddynion, byddwch yn dod o hyd i gymunedau newydd o ofalwyr maeth fel chi, sy’n awyddus i wneud gwahaniaeth.

Group of 5 children and young teenagers dancing in street

y gymuned faethu

Mae gennyn ni gymuned anhygoel o ofalwyr maeth sydd â chysylltiadau da ac sydd bob amser yn hapus i rannu eu profiadau a’u doethineb eu hunain. 

Byddwch hefyd yn gallu cael gafael ar beth wmbredd o wybodaeth a chyngor ar-lein, felly dim ond un clic neu alwad i ffwrdd fyddwch chi bob amser.

Pan fyddwch chi’n ymuno â Maethu Cymru, byddwn ni hefyd yn talu i chi fod yn aelod o’r Rhwydwaith Maethu (TFN) a Chymdeithas Maethu a Mabwysiadu (AFA) Cymru. Mae’r sefydliadau maethu arbenigol hyn yn cynnig cefnogaeth annibynnol, cyngor preifat, arweiniad a llu o fanteision ychwanegol. 

Adult helping boy learn to ride a bicycle

llunio’r dyfodol

Rydyn ni’n cydnabod bod y daith a arweiniodd unrhyw blentyn, ac unrhyw ofalwr maeth, i’r pwynt hwn yn bwysig – ond y cam mwyaf arwyddocaol yw’r un nesaf. Rydyn ni’n mynd ati i ganolbwyntio ar y presennol a’r dyfodol gwell, yn hytrach na’r gorffennol. Bydd dod yn ofalwr maeth yn golygu eich bod yn rhan o sut gallwn ni siapio’r dyfodol hwn.

Bydd ymuno â’n tîm hefyd yn golygu bod eich llais a’ch barn yn cael eu clywed ar lefel leol a rhanbarthol yn ogystal ag ar lefel genedlaethol.

Woman and young girl using computer to make video call

cymryd y cam cyntaf

cysylltu â’n tîm maethu cymru lleol

  • Cyngor Blaenau Gwent yw'r rheolwr data ar gyfer yr wybodaeth bersonol rydych chi'n ei darparu ar y ffurflen hon. Bydd eich gwybodaeth yn cael ei defnyddio wrth i ni arfer ein hawdurdod swyddogol ac ni chaiff ei defnyddio at unrhyw ddibenion eraill. Ni fyddwn yn rhannu'ch data ag unrhyw drydydd parti oni bai fod y gyfraith yn gofyn neu'n caniatáu i ni wneud hynny. Mae cyfraith diogelu data'n disgrifio'r sail gyfreithiol ar gyfer prosesu eich data yn ôl yr angen er mwyn cyflawni tasg gyhoeddus. Am fwy o wybodaeth am sut mae Cyngor Blaenau Gwent yn defnyddio'ch data personol, gan gynnwys eich hawliau fel testun data, gweler ein hysbysiad preifatrwydd.