![A blonde girl](https://fosterwales.blaenau-gwent.gov.uk/wp-content/uploads/2022/09/393A4255-1.jpg)
sut mae'n gweithio
sut mae'n gweithio
sut mae’n gweithio
Pan fyddwch yn meddwl am faethu, efallai y byddwch yn rhagweld teulu mawr cariadus o wahanol oedrannau. Mae maethu ym Mlaenau Gwent yn debyg iawn i deulu mawr, gan fod gennyn ni gysylltiadau da. Rydyn ni’n falch o’n rhwydwaith ymroddedig, sy’n darparu arbenigedd, cefnogaeth ac arweiniad pryd bynnag y bydd angen hynny arnoch.
Mae gan ein tîm ym Mlaenau Gwent wasanaeth cymorth dros y ffôn y tu allan i oriau swyddfa. Y tîm lleoli sy’n gofalu am y gwasanaeth hwn, er mwyn cynnig rhagor o gefnogaeth i’n teuluoedd gofal maeth. Mae’n ymwneud â bod yno ym mhob ffordd y gallwn ni, pan fydd ein hangen ni arnoch chi.
![Adult tying childs shoe lace](https://fosterwales.blaenau-gwent.gov.uk/wp-content/uploads/2021/06/Dad-tying-childs-shoe-lace-scaled-1.jpg)
gwell gyda’n gilydd
Rydyn ni yma i helpu’r plant yn ein gofal yn ogystal â’u teuluoedd maeth. Rydyn ni wir yn credu bod maethu’n well pan fyddwn ni’n gweithio gyda’n gilydd, a dyna pam rydyn ni’n cynnig cymaint o gefnogaeth.
Mae Maethu Cymru Blaenau Gwent yn ymdrech tîm; rydyn ni’n gweithio gyda’n gilydd bob dydd. Mae’n gydweithio go iawn, gan ein bod yn rhan o gymuned ehangach Maethu Cymru – sy’n cynnwys pob un o 22 Awdurdod Lleol Cymru. Rydyn ni i gyd yn sefydliadau nid-er-elw ymroddedig, ac mae hyn yn golygu bod popeth yn mynd yn ôl i’n cymuned, gan roi yn ôl i’r lle mae ei angen fwyaf.
![Family in the mountain](https://fosterwales.blaenau-gwent.gov.uk/wp-content/uploads/2022/09/393A4944-1.jpg)
beth sy'n ein gwneud ni'n wahanol
Dydyn ni ddim yn asiantaeth faethu gyffredin, ond rhan o dîm cenedlaethol o holl dimau maethu’r Awdurdodau Lleol ledled Cymru.
Mae ein tîm ym Mlaenau Gwent yn cynnig seibiant i ofalwyr plant ag anableddau, cefnogaeth ychwanegol gydag addysg i’r plant hynny sydd angen ychydig mwy o amser, a hyd yn oed mwy o gyfleoedd hyfforddi i’n gofalwyr maeth.